top of page

ሐምሌ 12/2015የአማራ ወጣቶች ማህበር ዋና ፀሀፊ ብሩክ ስለሽ ደብረብርሃን ላይ ታፈነ!

ሐምሌ 12/2015

የአማራ ወጣቶች ማህበር ዋና ፀሀፊ ብሩክ ስለሽ ደብረብርሃን ላይ ሲታፈን ለስራ ፍለጋ ወደ አዲስ አበባ የሄዱ የአማራ ተወላጅ ወጣቶች ደግሞ አዲስ አበባ ላይ በገፍ መታፈናቸውን የኢትዮ 360 ምንጮች አስታወቁ።


የአማራ ወጣቶች ማህበር ለኢትዮ 360 በላከው መግለጫው የአማራ ወጣቶች ሰብሳቢ የሆነው ብሩክ ስለሽ በኦህዴዱ አፋኝ ቡድን መታሰሩን ተናግረዋል።


ብሩክ ስለሽ ትላንት በዚሁ አፋኝ ቡድን እጅ ይግባ እንጂ አስቀድሞም ይሄው ህገወጥ ቡድንና ግብረ አበሮቹ ላለፉት ወራቶች ሲያሳድዱት መቆየታቸውን አንስቷል።


ሰብሳቢው ብሩክ ስለሺ ታፍኖ ከተወሰደ በኋላ ያለበትን ለማግኘት ማህበሩ ባደረገው ማጣራት በደብረ ብርሃን ከተማ በሚገኘው የአኳሴፍ የውሃ ማምረቻ በነበረውና አሁን ላይ ይኼው አፋኝ ቡድን ለካምፕነት  እየጠቀመበት የሚገኘው  ስፍራ እንደሚገኝ ማረጋገጡን ገልጿል።


የአማራ ወጣቶች ማህበር በአሁኑ ሰዓት ይኼ ጨፍጫፊ ስርዓት በሰብሳቢው ላይ ለሚደርሰው ማንኛውም አይነት ጉዳት ተጠያቂው ይኼ አፋኝ ቡድን እና ግብረ አበሮቹ እንደሆኑ ሊያውቁት ይገባል ብሏል።


ይህ በእንዲህ እንዳለ ከተለያዩ ዩኒቨርስቲዎች የተመረቁ የአማራ ተወላጆች ለስራ ፍለጋ ወደ አዲስ አበባ በሔዱበት በዚሁ ህገወጥ ቡድን በገፍ መታሰራቸውን የኢትዮ 360 ምንጮች ገለጹ።


ያለምንም ጥፋታቸውን በየቦታው የስራ ማስታወቂያዎችን በማንበብና በየመስሪያ ቤቱ ስራ ለመጠየቅ የሚሔዱ የአማራ ተወላጅ ወጣቶች ሁሉ በዚሁ ቡድን መታፈናቸው ቀጥሏል ብለዋል።


እስካሁን ከየአካባቢው በገፍ እየታፈነ ያለውን ህዝብ ቁጥር ማወቅ አስቸጋሪ ነው የሚሉት የኢትዮ 360 ምንጮች በየማጎሪያው ያሉት ታሳሪዎች ቁጥር እየጨመረ ከመምጣቱ ጋር ተያይዞም ውሃና የሚቀመስ ነገር ማግኘት ብርቅ እየሆነ መቷል መምጣቱን አስታውቀዋል።


Recent Posts

See All

መስከረም 17/2016 በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ። ሰራተኞቹ እየታፈኑ ያሉት ደግሞ በውስጥ በተሰገሰጉ የሰው በላው ስርአት ሃይሎች ጥቆማ ሰጭነት መሆኑን ለኢትዮ 360 በላኩት መረጃ ላይ አስፍረዋል። ከዚህ በፊት ይሄው ተመሳሳይ ድርጊት የትግራይ ተወላጅ በሆኑ የአየር

መስከረም 17/2016 በሰሜን ሸዋ ሚዳ መርሃቤቴ ላይ ገድይ ያደረገ ህዝባዊ ሃይሉ በዞኑ የተለያዩ አካባቢዎችን ከሰው በላይ ሃይል ነጻማውጣታቸውን ገለጹ

መርጦ ለማርያምን ነጻ ያወጣው ህዝባዊ ሃይል መቅደላ አምባ አምባ ዩኒቨርስቲ ውስጥና በአካባቢው በሚገኝ ካምፕ ውስጥ መሽጎ የነበረውን ይሄንን ሃይል ማጽዳት ተችሏል ብለዋል። አሁን ላይ ከሁሉም አካባቢ የተባረረው ገዳይ ቡድን አሁን አንድ ቦታ በከተማው ፒያሳ ተብሎ በሚጠራውና ደሴ መውጫ ላይ ብቻ መሆኑን ነው የተናገሩት

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ። በጎንደር ዙሪያ ማክሰኝት ወረዳ የጭንጫዬ አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰ

Comentários


bottom of page