top of page

ሐምሌ 20/2015በኢትዮጵያ ብሮድካስቲንግ ኮርፖሬሽን ኢቲቪ የተጀመረው የሰራተኛውን የትምህርት ማስረጃ የመመርመር ስራ እንዲታፈን መደረጉን ምንጮች ገለጹ።



በኢትዮጵያ ብሮድካስቲንግ ኮርፖሬሽን ኢቲቪ የተጀመረው የሰራተኛውን የትምህርት ማስረጃ የመመርመር ስራ አመራሩን የሚያጋልጥ ሆኖ በመገኘቱ እንዲታፈን መደረጉን የኢትዮ 360 የውስጥ ምንጮች ገለጹ።


የሰራተኛውን የትምህርት ማስረጃ እንዲመረምር ተቋቁሞ የነበረ ኮሚቴ እንደነበር ይናገራሉ።


ነገር ግን ይሄ ኮሚቴ በራሱ ያጠናው ጥናት ምን እንደሆነና ምን ላይ እንደደረሰ ባይታወቅም ከትምህርትና ስልጠና ቢሮ የኢትዮ 360 የውስጥ ምንጮች ያገኙት መረጃ ግን ወደ 826 የሚሆኑ ሰራተኞች የትምህርት ማስረጃ የሃሰት መሆኑን አመልክተዋል።


ከዚህ ውስጥ ከፍተኛውን የሐሰተኛ የትምህርት ማስረጃ ይዞ የተገኘው አመራሩና ያለምንም ውድድር ከሌለ መስሪያ ቤት መተው እንዲመደቡ የተደረጉት ባለጊዜዎች መሆናቸውን የውስጥ ምንጮቹ አጋልጠዋል።


ይሄን የተመለከተው የሰው ሃብት አስተዳደር ክፍሉም ከላይኛው አመራር ጋር በመነጋገር መረጃው ታፍኖ እንዲቀመጥ ማድረጉንም ጠቁመዋል።


በተቋሙ ያለው ብልሹ አሰራር ከቀን ወደ ቀን እየተወሳሰበና ህገወጥነቱ እየበዛ ነው የሚሉት የውስጥ ምንጮቹ አዲስ ህንጻ ገነባሁ በሚል የተሰራው ከፍተኛ የሆነ ሸፍጥን ኢትዮ 360 በተደጋጋሚ ማጋለጡንም አንስተዋል።

አሁንም ይሄ ሳያንስ አሮጌ እቃዎችን ገጣጥሞ በአስቸኳይ ህንጻውን ለቃችሁ ውጡ በሚል አመራሩን ቢሮ ድረስ በመሄድ ሲያስፈራራ የነበረው የሰው በላው ስርአት መሪ አሁን ደግሞ ከአፍሪካ ቀደምት የሆነ ሚዲያ ገነባን የሚል አጀንዳን እንዲያራምዱ ጥብቅ መመሪያን ማውረዱንም ሳይጠቁሙ አላለፉም።


በየጊዜው የገነነ ስሙ እንዲጠፋና በህዝብ ዘንድ የነበረው ተቀባይነት እንዲጠፋ የተደረገው የኢትዮጵያ ሬዲዮና ቴሌቪዥን ድርጅት የአሁኑ ኢቢሲ ከመሃል ከተማ ተነስቶ እንዲባረር የተደረገውም ቦታው ለአረብ ባለሃብቶች ለመሸጥ ከተደረገው ውል ጋር ተያይዞ መሆኑንም ኢትዮ 360 በመረጃው ማጋለጡ ይታወሳል።




Recent Posts

See All

መስከረም 17/2016 በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ። ሰራተኞቹ እየታፈኑ ያሉት ደግሞ በውስጥ በተሰገሰጉ የሰው በላው ስርአት ሃይሎች ጥቆማ ሰጭነት መሆኑን ለኢትዮ 360 በላኩት መረጃ ላይ አስፍረዋል። ከዚህ በፊት ይሄው ተመሳሳይ ድርጊት የትግራይ ተወላጅ በሆኑ የአየር

መስከረም 17/2016 በሰሜን ሸዋ ሚዳ መርሃቤቴ ላይ ገድይ ያደረገ ህዝባዊ ሃይሉ በዞኑ የተለያዩ አካባቢዎችን ከሰው በላይ ሃይል ነጻማውጣታቸውን ገለጹ

መርጦ ለማርያምን ነጻ ያወጣው ህዝባዊ ሃይል መቅደላ አምባ አምባ ዩኒቨርስቲ ውስጥና በአካባቢው በሚገኝ ካምፕ ውስጥ መሽጎ የነበረውን ይሄንን ሃይል ማጽዳት ተችሏል ብለዋል። አሁን ላይ ከሁሉም አካባቢ የተባረረው ገዳይ ቡድን አሁን አንድ ቦታ በከተማው ፒያሳ ተብሎ በሚጠራውና ደሴ መውጫ ላይ ብቻ መሆኑን ነው የተናገሩት

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ። በጎንደር ዙሪያ ማክሰኝት ወረዳ የጭንጫዬ አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰ

Yorumlar


bottom of page