ነሐሴ 11/2015 በተለያዩ የዞኑ አካባቢዎች የአማራ አመራሮች፣ባለሃብቶችና ወጣቶች በገፍ እየታሰሩ ነው!

ነሐሴ 10/2015

በጉራጌ ዞን ወልቂጤ ከተማን ጨምሮ በተለያዩ የዞኑ አካባቢዎች የአማራ ተወላጅ የሆኑ አመራሮች፣ባለሃብቶችና ወጣቶች በገፍ እየታሰሩ ነው ሲሉ የኢትዮ 360 ምንጮች ገለጹ።

አካባቢው ላይ የአማራ ተወላጅ በመሆናቸው ብቻ ጨለማን ተገን በማድረግ ማፈንና ማሳደዱ አይን ባወጣ መልኩ ቀጥሏል ብለዋል።

የሚገርመው አፈናው ብቻ አይደለም ድብደባም ጭምር የሚፈጽመው ይሄው አፋኝ ቡድን ሌሊት ስዓት እላፊ በቤት ጣሪያ እና በአጥር ላይ እየገባና የቤት በሮችን በመገንጠል ጭምር የሚፈጽሙት አፈና ነው ብለውታል።

እስካሁንም በዚህ አፈና የከተማው ንግድ ኢንዱስትሪ ባለሞያና የምክርቤት አባል ሳሙኤል ዘውዱ፣ ጠበቃና የህግ አማካሪው  መታገስ አያሌው፣ አበበ አየለ፣ አበባው አሽኔ በጉራጌ ዞን አበሽጌ ወረዳ ም/አስደተዳደሪና የግብርና ፅ/ቤት ሀላፊ ዘመተ አይፎክሩ፣  አስደግድግ አሰማኸኝ የሀገር ሽማግሌ ከነ ልጁና ሌሎችም እንደሚገኙበት ተናግረዋል።

አሁንም በየአቅጣጫው ያለው አፈና አይን ባወጣ መልኩ ቀጥሏል ሲሉ የኢትዮ 360 ምንጮች ገልጸዋል።