top of page

(ኢትዮ 360 -ሐምሌ 26/2015)የደብረታቦርና የደብረማርቆስ አካባቢዎች ከገዳዩ ስርአት አገዛዝ ነጻ ወጡ።


የደብረታቦርና የደብረማርቆስ አካባቢዎች ከገዳዩ ስርአት አገዛዝ ነጻ መውጣታቸውን የፋኖ ህዝባዊ ሃይል አባላቱ ለኢትዮ 360 አስታወቁ።


ደብረታቦር ላይ በተለይ ታንት ቀን ላይ ተጀምሮ የነበረው ጦርነት አመርቂ በሆነ ውጤት ደብረታቦርን መቆጣጠር ተችሏል ይላሉ።


መሳሪያ ከመማረክ ጀምሮ ገዳዩን ሃይል ወደ ወሎ እንዳያልፍ በማድረግ ጭምር ታሪክ ሰርተናል ሲሉ ለኢትዮ 360 ገልጸዋል።


ከወልቃይት ተነስቶ ወደ ወሎ ሊያልፍ የነበረው ይሄው ገዳይ ሃይል አይቀጡ ቅጣት ተቀቷል ብለዋል።


የጦር መሳሪያዎችን ከመማረክ ጀምሮ የተሰራው ስራ አማራውን የሚያኮራ ነው ሲሉ ገልጸውታል።


አሁንም ሁሉም የአማራ ህዝብ ከፋኖ ህዝባዊ ሃይል ጎን በመቆም የበኩሉን ድጋፍ እንዲያደርግም ጥሪያቸውን አቅርበዋል።


አሁንም ዳባት ከጎንደር መግቢያ አውራ ጎዳና ፣ ወደአጅሬ መውጫ መወርጠጭ፣ ወደ ደባርቅ መውጫ ፍየል መቃብር ፣ ወቅን አካባቢ ጭና ያለው የገዳዩ ቡድን መንገድ ለመዝጋት ሙከራ እያደረገ በመሆኑ ህብረተሰቡ ጥንቃቄ እንዲያደርግም ምንጮቹ ጠቁመዋል።


በተመሳሳይ ዛሬ የስራ ማቆም አድማ በማድረግ አካባቢውን ጸጥ አድርጎ የዋለው የደበረማርቆስ ህዝብና የፋኖ ህዝባዊ ሃይል በስተመጨረሻ ደብረማርቆስና አካባቢውን ከሰው በላው ስርአት ነጻ ማድረግ ችሏል ብለዋል የኢትዮ 360 ምንጮች።


ብሬና ጁቤን ነጻ ያወጣው የፋኖ ህዝባዊ ሃይልና የአማራ ህዝብ ጋሸና ላይ ጉዳት ለማድረስ ሲጓዝ የነበረውን የኦነግ ጦር የደብረታቦር ነዋሪ መንገድ በመዝጋት ጭምር እንዳይፈናፈን አድርጎት ማደርና መዋሉንም ሳይጠቁሙ አላለፉም።


አሁንም የንጹሃንን ደም በከንቱ ማፍሰስ ያልሰለቸው ገዳይ ቡድን የጎንደር ከተማን በከባድ መሳሪያ እየደበደበ መሆኑንም ሳይጠቁሙ አላለፉም።


ጎጃም ላይም ድሉን የራሱ እያደረገ ያለው የአማራ ህብዝና ህዝባዊ ሃይሉ የአማራ ልዩ ሃይልን ልብስ የለበሰው ቡድንን ጭኖ የነበረን 2 ኦራል ተሽከርካሪዎችን መማረኩንም ይናገራሉ።


ጎንደር አዘዞ ላይም በተመሳሳይ እረሽን የጫነ ኦራል ተሽከርካሪም ገቢ ሆኗል ሲሉ የኢትዮ 360 ምንጮች ገልጸዋል።


ይህ በእንዲህ እንዳለም ትላንት ባህርዳር ላይ ከየወረዳው ስብስባ ተጠርተው ከነበሩ የፖሊስ አባላት መካከል ሃሳባችሁን አልቀበልም ብሎ የሞገተ አንድ የፖሊስ ሃይል በአደባባይ አድማ ብትና ነኝ በሚለው አካል መገደሉንም የኢትዮ 360 ምንጮች ገልጸዋል።


በተመሳሳይ በአርማጭሆ ተሰማርቶ የነበረው የገዳዩ ስርአት ሃይል ለሊቱን ከነመሳሪያው ጠፍቶ ሲያድር ቁጥራቸውም ከ40 በላይ እንደሚሆንም አመልክተዋል።


በቡሬ ግንባርም በንጹሃን ላይ ጦርነት የከፈተው ገዳይ ቡድን ከህብረተሰቡና ከህዝባዊ ሃይሉ ጥሩ ምላሽ እየተሰጠው መሆኑንም ሳይጠቁሙ አላለፉም።


በወሎና በሸዋም ንጹሃንን በአደባባይ እየረሸነና በግልጽ ጦርነት ያወጀው አካል አሁንም በሆድ አደሮቹ የብአዴን ሰዎች መንገድ መሪነት የዘር ማጥፋት ወንጀል መፈጸሙን ቀጥሎበታል ብለዋል።


ሰሜን ሸዋ ላይ አሁንም ህብረተሰቡን ለገዳዩ ስርአት አሳልፈው የሚሰጡ መሬት ሲዘርፉና ሲያዘርፉ የቆዩ እንደ ደብረብርሃን ዩኒቨርስቲ አስተማሪ ነኝ እንደሚለው ዳምጠው ተሰማ አይነት ሰዎች አሁንም ለአማራው ጠላት ሆነው ቀጥለዋል ብለዋል።


በተጨማሪም የቤተመንግስት ወይም የፓርቲ ነጋዴ እየተባሉ ከሚጠሩት ካሳሁን ምስጋናው ወይንም በቅጽል ስሙ ካሳሁን ካርሎስና በላይነህ ክንዴ ደግሞ ሃብታቸውን በማፍሰስ ጭምር የፋኖ ህዝባዊ ሃይልንና የአማራ ህዝብን አሳልፈው ለገዳዩ ስርአት ለመስጠት ቃል ገብተው ቀን ከሌት እየሰሩ መሆኑንም የኢትዮ 360 ምንጮች ጠቁመዋል።


በተደጋጋሚ ወጣቱን በገንዘብ በመደለልና ገዳዩን ስርአት እንዳይቃወም በማድረግ ጭምር ስራ ሲሰሩ የቆዩት እነ ካሳሁን ካርሎስ አሁን ደግሞ ሃይል በማደራጀት የፋኖ ህዝባዊ ሃይልን ለማስመታት ከስምምነት መድረሳቸውንም ጨምረው ገልጸዋል።

Recent Posts

See All

መስከረም 17/2016 በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ። ሰራተኞቹ እየታፈኑ ያሉት ደግሞ በውስጥ በተሰገሰጉ የሰው በላው ስርአት ሃይሎች ጥቆማ ሰጭነት መሆኑን ለኢትዮ 360 በላኩት መረጃ ላይ አስፍረዋል። ከዚህ በፊት ይሄው ተመሳሳይ ድርጊት የትግራይ ተወላጅ በሆኑ የአየር

መስከረም 17/2016 በሰሜን ሸዋ ሚዳ መርሃቤቴ ላይ ገድይ ያደረገ ህዝባዊ ሃይሉ በዞኑ የተለያዩ አካባቢዎችን ከሰው በላይ ሃይል ነጻማውጣታቸውን ገለጹ

መርጦ ለማርያምን ነጻ ያወጣው ህዝባዊ ሃይል መቅደላ አምባ አምባ ዩኒቨርስቲ ውስጥና በአካባቢው በሚገኝ ካምፕ ውስጥ መሽጎ የነበረውን ይሄንን ሃይል ማጽዳት ተችሏል ብለዋል። አሁን ላይ ከሁሉም አካባቢ የተባረረው ገዳይ ቡድን አሁን አንድ ቦታ በከተማው ፒያሳ ተብሎ በሚጠራውና ደሴ መውጫ ላይ ብቻ መሆኑን ነው የተናገሩት

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ። በጎንደር ዙሪያ ማክሰኝት ወረዳ የጭንጫዬ አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰ

Comments


bottom of page