ኢትዮ 360- ንቦት 30/2015) ማዳበሪያ በተለየ መልኩ ወደ ጅማና ወለጋ በገፍ እየተጋዘ ነው።

በኦሮሚያ ክልል ማዳበሪያ በተለየ መልኩ ወደ ጅማና ወለጋ በገፍ እየተጋዘ መሆኑን የኢትዮ 360 ምንጮች ገለጹ።

ይሄ ማዳበሪያ እየተጓጓዘ ያለው ደግሞ ገዳ የሚባለው የመጓጓዣ አገልግሎት ተመድቦለት መሆኑን ሳይጠቁሙ አላለፉም።

ወደ ጅማና ወለጋ የእህል ማዳበሪያውን በገፍ እያጋዘ ያለው አካል የሸዋ ኦሮሞን ጨምሮ አማራና ደቡብን እስካሁን ዞር ብሎ ሊያያቸው አለመቻሉን ምንጮቹ ተናግረዋል።

ማዳበሪያው እየተጫነ ያለው ደግሞ ከገላን የባቡር ወደብ ሲሆን ስራው ሙሉ በሙሉ የሚከናወነው ደግሞ በኦሮሞ ተወላጆች ብቻ መሆኑንም ሳይጠቁሙ አላለፉም።

በዚህ ደረጃ ማዳበሪያን እየዘረፈ ያለው አገዛዝ ነኝ የሚለው አካል ትላንት መሸንቲ ላይ ማዳበሪያ በጠየቁ አርሶ አደሮች ላይ ተኩስ መክፈቱን ይናገራሉ።

የኦነጉ ሰራዊት ከባህርዳር በቅርብ እርቀት ላይ በምትገኘው መሸንቲ ከተማ ላይ በከፈተው በዚህ ተኩስ በአርሶአደሩ ላይ ከፍተኛ ጉዳት ማድረሱንም ምንጮቹ ይናገራሉ።

መሸንቲ ላይ የተጀመረውን ጥቃት ወደ መራዊ ለመውሰድ ጥረት ሲያደርግ የነበርው የኦህዴዱ ኦነግ ስብስብ ጋር ከፍተኛ ትንቅንቅ መካሄዱንም ሳይጠቁሙ አላለፉም።

ከዚህ ጋር ተያይዞ ትላንት በአካባቢው ዋና መንገዶች ተዘግተው መዋላቸውንም ሳይተጠቁሙ አላለፉም።

የመራዊና አካባቢው ማህበረሰብም ይሄ ገዳይ ቡድን ወደ አካባቢው እንዳይገባ ከፍተኛ ትግል ሲያደርግ መዋሉንም ሳይጠቁሙ አላለፉም።

ትላንት ተዘግተው የነበሩ መንገዶችን በኦህዴዱ የመከላከያ ሃይልና በብአዴኑ ካድሬዎች ለሊቱን ተከፍተው እንዲያድሩ ቢደረግም ማህበረሰቡ ግን አሁንም በተጠንቀቅ ሁኔታውን እየተከታተለ መሆኑንም የኢትዮ 360 ምንጮች ተናግረዋል።