top of page

(ኢትዮ 360 _ ሐምሌ 4/2015)የግል ትምህርት ቤቶች ቀድሞ ይሰሩ የነበረበትን አሰራር ሁሉ እንዲቀይሩ ጫና እየተደረገባቸው ነው።


አዲስ አበባ የሚገኙ የግል ትምህርት ቤቶች ቀድሞ ይሰሩ የነበረበትን አሰራር ሁሉ እንዲቀይሩ ጫና እየተደረገባቸው መሆኑን የኢትዮ 360 ምንጮች አስታወቁ።


የግል ትምህርት ቤቶች የተማሪውን ውጤት የሚሞሉበት ካርድም ሆነ ሌላው የሚሰራው በራሳቸው ፖሊሲ መሆኑን ይናገራሉ።


ነገር ግን አሁን ላይ እያንዳንዱ የውጤት መስጫም ሆነ ሌላ የስራ ወረቀቶች አርማቸው ላይ ኦሮምኛ ቋንቋን እንዲያስገቡ ግዴታ ተጥሎባቸዋል ይላሉ።


አሁን ላይ ካርዶቹን እኛ አሳትመን ከምንሰጣችሁ ውጪ ሌላ ካርድ መጠቀም አትችሉም የሚል መመሪያ እንደወረደላቸውም ይናገራሉ።


ነገር ግን በቀድሞ አሰራር የመንግስት ትምህርት ቤቶች በመንግስት ፖሊሲ ሲተዳደሩ የግል ትምህርት ቤቶች ደግሞ በራሳቸው ፖሊሲ ይተዳደሩ እንደነበር ያነሳሉ።


አሁን ግን ያ ሁሉ ቀርቶ እኛ ያልናችሁን ካልፈጸማችሁ ትምህርት ቤቱን እንዘጋለን ወደ ሚል ማስፈራሪያም መሸጋገራቸውን አስቀምጠዋል።


አሁን ላይ የግል ትምህርት ቤቶች ከመንግስት ትምህርት ቤቶች የሚለዩት በሚያስቀምጡት ማህተም ብቻ ሆኗል ሲሉ አሳዛኙን አካሄድ ይናገራሉ።


የግል ትምህርት ቤቶችን ፖሊስ ሙሉ በሙሉ የሰረዘው ይሄው ስብስብ በሁሉም ቦታ ላይ በኦሮምኛ ካልጻፋችሁ ማስተማር አትችሉም ወደሚል ደረጃ ተደርሷል ብለዋል።


ከሁሉም አሳዛኙ ነገር ይላሉ የትኛውም የግል ትምህርት ቤት ዝቅተኛ ውጤት ያመጣ ተማሪንም በምንም ሁኔታ መጣል አትችሉም የሚል ውሳኔ እንደተላለፈላቸው ምንጮቹ ገልጸዋል።


የትምህርት ስርአቱን ብቻ ሳይሆን ትውልድ እየገደለ ያለው ይሄው የገዳዮች ስብስብ ምናልባትም አሁን በያዘው አካሄድ ከቀጠለ መጪው ጊዜ ለትምህርት ቤቶችም ሆነ ለተማሪዎች ብሎም ለወላጆች ፈታኝ ሊሆን ይችላል ሲሉም የኢትዮ 360 ምንጮች ስጋታቸውን አስቀምጠዋል።

Recent Posts

See All

መስከረም 17/2016 በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ። ሰራተኞቹ እየታፈኑ ያሉት ደግሞ በውስጥ በተሰገሰጉ የሰው በላው ስርአት ሃይሎች ጥቆማ ሰጭነት መሆኑን ለኢትዮ 360 በላኩት መረጃ ላይ አስፍረዋል። ከዚህ በፊት ይሄው ተመሳሳይ ድርጊት የትግራይ ተወላጅ በሆኑ የአየር

መስከረም 17/2016 በሰሜን ሸዋ ሚዳ መርሃቤቴ ላይ ገድይ ያደረገ ህዝባዊ ሃይሉ በዞኑ የተለያዩ አካባቢዎችን ከሰው በላይ ሃይል ነጻማውጣታቸውን ገለጹ

መርጦ ለማርያምን ነጻ ያወጣው ህዝባዊ ሃይል መቅደላ አምባ አምባ ዩኒቨርስቲ ውስጥና በአካባቢው በሚገኝ ካምፕ ውስጥ መሽጎ የነበረውን ይሄንን ሃይል ማጽዳት ተችሏል ብለዋል። አሁን ላይ ከሁሉም አካባቢ የተባረረው ገዳይ ቡድን አሁን አንድ ቦታ በከተማው ፒያሳ ተብሎ በሚጠራውና ደሴ መውጫ ላይ ብቻ መሆኑን ነው የተናገሩት

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ። በጎንደር ዙሪያ ማክሰኝት ወረዳ የጭንጫዬ አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰ

Comments


bottom of page