ግንቦት 22/2015 የኦህዴዱ መከላከያ ሃይል መረሃቤቴና አካባቢውን ለማውደም አካባቢውን መውረሩን ተገለጸ! 360 ገለጹ።

ሰሜን ሸዋን በአራት አቅጣጫ የወረረው የኦህዴዱ መከላከያ ሃይል መረሃቤቴና አካባቢውን ለማውደም አካባቢውን መውረሩን ነዋሪዎቹ ለኢትዮ 360 ገለጹ።

ከካራ ምሽግ ሚዳ መርሃቤቴን ጨምሮ ሶስቱ ወረዳዎቹ በአራት አቅጣጫ በዚሁ ሃይል ተከቧል ብለዋል።

ወደ መረሃቤቴ ሙሉ በሙሉ ለመግባት ከ60 ያላነሰ ኦራል ተሽከርካሪ ሙሉ ሃይል አስገብቷል ይላሉ።

ከአዲስ አበባ መስመር ይዞ ወደ ጀማ የገባውን ጨምሮ የደራ መስመርን ይዞ የገባው ሃይል በሙሉ አካባቢውን ለማውደም አካባቢውን እየወረረ መሆኑን ሳይጠቁ አላለፉም።

የወረይሉና ጃማን ይዞ ወደ መረሃ ቤቴ ያደረገው አካል ሰሜን ሸዋን የወረረው ሰሞኑን በካርታ ጭምር ያወጣውንና አካባቢውን ለመውረር የያዘውን እቅድ ለማሳካት ነው ብለዋል ነዋሪዎቹ።

እነሱ በዚህ ደረጃ ወረራ ሲያካሂዱ ማህበረሰቡ ደግሞ ፋኖን አናስነካም በሚል በጋራ ቆሟል ሲሉም ለኢትዮ 360 ገልጸዋል።

የፋኖ ህዝባዊ ሃይልም ሆነ ህብረተሰቡ በዚህ ደረጃ ተከቦ ባለበት ሰአት ደግሞ አለም ከተማ ላይ ያለው የፖሊስ ሃይል ወደ ህብረተሰቡ መተኮስ ጀምሯል ይላሉ።

ይሄንን ደግሞ ስማቸውን ጭምር በማውጣት ለህዝቡ ማንነታቸውንም እንደሚያጋልጡ ነው ነዋሪዎቹ ለኢትዮ 360 የገለጹት።