ግንቦት 24/2015 በሰሜን ሸዋ እንሳሮ አካባቢ የገባው የኦህዴዱ የመከላከያ ሃይል በንጹሃን ዜጎች ላይ ተኩስ መክፈቱ ነተገለጹ።

በሰሜን ሸዋ እንሳሮ አካባቢ የገባው የኦህዴዱ የመከላከያ ሃይል በንጹሃን ዜጎች ላይ ተኩስ መክፈቱን ነዋሪዎቹ ለኢትዮ 360 ገለጹ።

ከአዲስ አበባ 130 ኪሎ ሜትር ላይ የምትገኘውን የእንሳሮ ከተማ የወረረው የኦህዴዱ ሃይል አካባቢውን መውረር ብቻ ሳይሆን ንጹሃን ላይ ተኩስ ከፍቷል ብለዋል።

በዚህም አንድ የከተማዋ ነዋሪ ሲገደል ሌሎሎ ደግሞ መቁሰላቸውን ነው ለኢትዮ 360 በላኩት መረጃ ላይ ያሰፈሩት።

ከባባድ መሳሪያዎችን ጭምር በመያዝ ወደ አካባቢው የገባው ይሄ ሃይል ማህበረሰቡን ማሸበር ብቻ ሳይሆን ሙሉ በሙሉ የለሚ ከተማን ዙሪያዋን ከቧታል ይላሉ።

በብዛት ሃይሉ ያስገባው ይሄው ገዳይ ቡድን መርሃቤቴ ላይ ሲደርስ አታልፍም በመባሉ ወደ እንሳሮ ማምራቱን ይናገራሉ።

ነገር ግን መርሃቤቴ ላይ መንገድ አታልፍም የተባለው ይሄው ሃይል አሁን ላይ መርሃ ቤቴ ላይ ቤት ለቤት መሳሪያ ለመንጠቅ እየሞከረ መሆኑንም ለኢትዮ 360 በላኩት መረጃ ላይ አመልክተዋል።

በዛው በሰሜን ሸዋ ከጃማ ወደ ሚዳ ሽማግሌዎችን በመላክ ነገሩን የማቀዛቀዝ ስራ ለመስራት እቅድ መያዙን የኢትዮ 360 ምንጮች ገልጸዋል።

አስቀድሞ ይላሉ በሽማግሌ ስም የጃማ አካባቢ ህዝባዊ ሃይልንም ሆነ ህብረተሰቡ ሲያነሳ የነበረው የህልውና ጥያቄ እንዲቀዛቀዝ ማድረጋቸውን ያስታወሳሉ።

አሁንም በተመሳሳይ መልኩ ሚዳ ላይ በሽምግልና ስም ህዝባዊ ሃይሉን መምታት፣አሉ የሚባሉና የህዝባዊ ሃይሉ መሪዎችን ማፈን ካልሆነም መግደል እቅድ ተደርጎ ተይዟል ይላሉ።

በተለያየ መንገድ የቀረውን የጥፋት አጀንዳ ሁሉ ለማስፈጸም የሚሰራው የኦህዴዱ ኦነግ ስብስብ የአማራ ክልልን ለማውደም የአማራ ተወላጆችንም ለመፍጀት ያለውን ነገር ሁሉ እየተጠቀመ ነው ሲሉም ያስቀምጣሉ።