top of page

ግንቦት 29/2015በአዲስ አበባ ግብር ባልከፈሉ የከተማዋ ነዋሪዎች ላይ ቅጣት መተላለፉን ተገለጹ!



በአዲስ አበባ የጋራ መኖሪያ ቤትና የግል መኖሪያ ቤቶች ግብር ባልከፈሉ የከተማዋ ነዋሪዎች ላይ ቅጣት መተላለፉን የኢትዮ 360 ምንጮች አስታወቁ።



አዲሱ የቅጣት ውሳኔ ከግንቦት አንድ ጀምሮ ተግባራዊ እንደሚሆን መቀመጡንም ያነሳሉ።



እስካሁን ግብሩን ላልከፈለ የከተማዋ ነዋሪ ከግንቦት 1 ጀምሮ 5 በመቶ ቅጣት ሲጣልበት ይሄ ቅጣት ከሰኔ 1ጀምሮ ደግሞ ወደ 10 በመቶ ከፍ እንዲልም ውሳኔው ላይ መቀመጡን ተናግረዋል።



ከሀምሌ 1 ጀምሮ ደግሞ ይሄው ቅጣት የክፍያውን እጥፍ ባስቀመጠ መልኩ ወደ 100 በመቶ የሚያድግ መሆኑን ጠቁመዋል።



ህብረተሰቡ ይሄ ቅጣትን በተወሰነ ደረጃ ለማስቀረት ቀኑን ሙሉ ቀበሌና ወረዳዎችን አጨናንቆና ስራውን ፈቶ ቢውልም ትርፍ የሆነው የቀበሌ ካድሬ መቀለጃ መሆን ነው ይላሉ።



ህብረተሰቡ በዛ ደረጃ ሲንገላታ በየቀበሌው ያለው ካድሬ ግን በቀን እያስተናገደ ያለው 10 ያህል ሰዎችን ብቻ መሆኑን ያነሳሉ።



ከዛም አልፎ ተራው ደርሶት የተሟላ መረጃውን ያቀረበ ነዋሪ ለመሃንዲስ አንድ ሺ ብር እንዲከፍ ግዴታ መቀመጡን አመልክተዋል።


ነገር ግን አንድ ሺ ብሩን በግፍ የተነጠቀው ነዋሪ የተባለውን ገንዘብ ቢከፍልም መሃንዲስ የሚባለው አካል ግን አይላክለትም ሲሉ የሚሰራውን ወንጀል ያሳያሉ።



እያንዳንዱ ነዋሪ የሚከፍለው ገንዘብ የሚወሰንለት ይዞት በቀረበው ዶክመንት መጠን መሆኑንም ሳይጠቁሙ አላለፉም።



ይሄንን ክፍያ ያልፈጸመ የከተማዋ ነዋሪ ከመስከረም በኋላ መኖሪያ ቤቱን እንደሚነጠቅ እያወቀ ከክፍያው በላይ በመንገላታት እየከፈለው ያለው መስዋእትነት በዝቷል ብለዋል።



ምናልባትም ህዝቡ በጋራ ቆሞ አንከፍልም ወደሚል አቅጣጫ ካልሄደና ይሄንን ህገወጥ አካሄድ መከላከል ካልቻለ መቀር መቺው ጊዜ ቤት አልባ መሆን ብቻ ሳይሆን ከዚህም የከፋ አደጋ ውስጥ ሊወድቅ ይችላል ሲሉ ስጋታቸውን አስቀምጠዋል

Recent Posts

See All

መስከረም 17/2016 በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ። ሰራተኞቹ እየታፈኑ ያሉት ደግሞ በውስጥ በተሰገሰጉ የሰው በላው ስርአት ሃይሎች ጥቆማ ሰጭነት መሆኑን ለኢትዮ 360 በላኩት መረጃ ላይ አስፍረዋል። ከዚህ በፊት ይሄው ተመሳሳይ ድርጊት የትግራይ ተወላጅ በሆኑ የአየር

መስከረም 17/2016 በሰሜን ሸዋ ሚዳ መርሃቤቴ ላይ ገድይ ያደረገ ህዝባዊ ሃይሉ በዞኑ የተለያዩ አካባቢዎችን ከሰው በላይ ሃይል ነጻማውጣታቸውን ገለጹ

መርጦ ለማርያምን ነጻ ያወጣው ህዝባዊ ሃይል መቅደላ አምባ አምባ ዩኒቨርስቲ ውስጥና በአካባቢው በሚገኝ ካምፕ ውስጥ መሽጎ የነበረውን ይሄንን ሃይል ማጽዳት ተችሏል ብለዋል። አሁን ላይ ከሁሉም አካባቢ የተባረረው ገዳይ ቡድን አሁን አንድ ቦታ በከተማው ፒያሳ ተብሎ በሚጠራውና ደሴ መውጫ ላይ ብቻ መሆኑን ነው የተናገሩት

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ

መስከረም 17/2016 አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰደው ርምጃ ሁሉንም ማጽዳቱን ገለጹ። በጎንደር ዙሪያ ማክሰኝት ወረዳ የጭንጫዬ አርሶ አደሮችን በግፍ የረሸነውን ገዳይ ቡድን በአካባቢው ያለው የመብረቅ ብርጌድ ጓሌ ሻለቃ ተከታትሎ በወሰ

Comments


bottom of page